ARTIGOS E CONTRACCIÓNS (2º/3º/4º EP)

 

O ARTIGO E AS CONTRACCIÓNS

   Se picades nas imaxes, aparecerá a dirección delas.

                  

-      O coche. A boneca. Os nenos. As libretas. Os balóns.

Un lapis. Unha  goma. Uns zapatos. Unhas axendas.

- Profe, as palabras destacadas son: o, a, os, as, un, unha, uns e unhas.

               

   

    -      Moi ben, Leo! 

   Estas palabras que van diante dos  substantivos e concordan con el en xénero e número son os artigos. 

 

 

   

- Entón, poderiamos definir os artigos como as palabras  que van diante do substantivos e concordan con el en xénero e número.

 - Sí María

 

- Pero hai como dous grupos de palabras. Un estaría formado por o, a, os e as; e outro, por un, unha, uns e unhas.

                          - Entón, todas estas palabras son ARTIGOS; pero uns son DETERMINADOS e outros INDETERMINADOS.

- Exacto Brais, todos son ARTIGOS.

Poderiamos dicir que hai dúas clases:

Os artigos: determinados(o,a,os,as) que se refiren a persoas, animais e cousas coñecidas. Por exemplo, “o can” é un can coñecido pola persoa que fala e polas que escoitan.

 Os artigos indeterminados(un, unha, uns e unhas) que se refiren a persoas, animais ou cousas descoñecidas.Por exemplo, “un can” é un can que non coñece a persoa que fala nin a que escoita.

- Ademais estas palabras contraen con algunhas preposicións. Imos ver con que preposicións e como fan as contraccións.

Os artigos determinados contraen coas preposicións a, de, en, con e por.

Se mirades a seguinte táboa, podedes ver como contraen.

- Os artigos indeterminados contraen coas preposicións de, en e con. Tal e como queda reflectido na seguinte táboa.

- Profesora! Entón a contracción é a unión dunha preposición cun artigo.

 - Moi boa reflexión, Leo. Agora, alguén podería facer un resumo do aprendido.

- Eu. Vou dicir o que son os artigos e cantas clases de artigos hai.

“ Os artigos son palabras  que van diante do substantivos e concordan con el en xénero e número.”

Hai dúas clases de artigos:

Os artigos determinados (o,a,os,as) refírense a persoas, animais e cousas coñecidas.

Os artigos indeterminados (un, unha, uns e unhas) que se refiren a persoas, animais ou cousas descoñecidas.

- Profesora, eu vou dicir o que é unha contracción.

“Unha contracción é a unión dunha preposición e un artigo.”

Os artigos determinados contraen coas preposicións a, de, en, con e por.

Os artigos indeterminados contraen coas preposicións de, en e con.

 -María, Brais fixestes un bo resumo do explicado nesta clase.

Agora podedes facer as actividades que aparecen nos vosos libros.